آرمی چیف جنرل قمرجاوید باجوہ کی ایران کے وزیر خارجہ سمیت فوجی قیادت سے ملاقاتیں

تہران (ریپبلکن نیوز) پاکستاجی آرمی چیف جنرل قمرجاوید باجوہ نے منگل کوایران کے وزیر خارجہ جواد ظریف سے ملاقات کی ،ملاقات کے دورا ن دونوں ممالک  کے درمیان سیاسی،معیشت،ملٹری  کےشعبوں  میں جامع تعلقات پر تیادلہ خیال کیا گیا،ملاقات میں سرحدوں کی سیکیورٹی،مشترکہ علاقائی تعاون،دہشت گرد گروپوں کی جانب سے سرحدی حفاظتی اہلکاروں کے اغوااور افغانستان سمیت علاقے میں موجودہ صورتحال پر بات چیت کی گئی ، ملاقات میں دیگر دلچسپی کے اہم امور پربھی تبادلہ خیال کیا گیا اور ان پر مشاورت کی گئی،اس سے قبل  پاک فوج کے سربراہ آرمی چیف جنرل قمر جاوید باجوہ نے ایرانی صدر حسن روحانی سے اہم ملاقات کی جس میں خطے کی سیکیورٹی اور باہمی دلچسپی کے امور پر تبادلہ خیالات کیا گیا۔

پاکستانی فوج کے شعبہ تعلقات عامہ (آئی ایس پی آر)کے مطابق ایرانی صدر حسن روحانی نے دہشتگردی کیخلاف جنگ میں پاکستانی فوج کی کامیابیوں کی تعریف کرتے ہوئے اسے تسلیم کیا اورخطے میں قیام امن کی کوششوں کو واشگاف الفاظ میں سراہا۔

اس سے قبل آرمی چیف جنرل قمر جاوید باجوہ نے دورہ ایران کے دوران ان کی اعلی عسکری قیادت سے ملاقاتیں کیں جن میں علاقائی سیکیورٹی اور دوطرفہ دفاعی تعاون پر بات چیت کی گئی۔آئی ایس پی آر کے مطابق آرمی چیف جنرل قمر جاوید باجوہ نے ایرانی سپریم نیشنل سیکیورٹی ایڈمرل علی شمخانی اور فوج کے سربراہ میجر جنرل عبدالرحیم موسوی سے ملاقاتیں کی۔ ان ملاقاتوں میں علاقائی سیکیورٹی صورتحال اور دو طرفہ دفاعی تعاون پر تبادلہ خیال کیا گیا۔

مزید خبریں اسی بارے میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
error: پوسٹ کو شیئر کریں