جموں و کشمیر سے بھارت کے تمام دشمنوں کا خاتمہ کردیا جائیگا۔ گورنر کشمیر

نیوز ڈیسک (ریپبلکن نیوز) بھارتی نجی ٹی وی کے مطابق  جموں و کشمیر کے گورنر ستیہ پال ملک نے پاکستان کو دھمکی دیتے ہوئے کہا ہے کہ یہ دوماہ پہلےکا ہندوستان نہیں ہے،جموں و کشمیر سے بھارت کے تمام دشمنوں کا خاتمہ کردیا جائےگا، اس بارجموں وکشمیرمیں 15 اگست زیادہ جوش وخروش سےمنایا جائےگا۔

انہوں  نے کہا کہ پاکستانی وزیر خارجہ شاہ محمود قریشی کہتے ہیں کہ کشمیرہندوستان کا اٹوٹ حصہ نہیں ہے،پاکستانی وزیر خارجہ کو معلوم  ہونا  چاہئے کہ یہ دوماہ پہلےکا ہندوستان ہے،یہ تبدیل شدہ ہندوستان ہےاوراگروہ بارڈرپرکسی بھی طرح کا ایڈوینچرکریں گے، توانہیں ایسی سزا ملےگی کہ وہ کبھی سرنہیں اٹھا پائیں گے۔

جودہشت گرد انہوں نےبھیج رکھے ہیں یا بھیجیں گےان سے بھی ہم بہت ہی سختی کے ساتھ پیش   آنے والے ہیں، آرٹیکل 370 کے خاتمے کےبعد یہاں پردہشت گردوں کا اب کوئی مستقبل نہیں ہے۔

گورنر جموں و کشمیر ستیہ پال  ملک کا کہنا تھا کہ اُنہوں نے وادی کے دو سابق وزرائے اعلیٰ عمرعبداللہ اورمحبوبہ مفتی کوحراست میں رکھا ہے،یہ دونوں مسلسل زہراگل رہےتھے،ابھی توصرف کچھ ہی دن ان کورکھا گیا گیا ہے، ایسی کوشش کررہے ہیں کہ وہ لوگ کہیں زہرنہ پھیلائیں، محبوبہ مفتی نےکتنی تشدد کی بات پھیلائی تھی؟اب  اگرکچھ ایسا ہوگا توہاتھ کاٹ دیاجائے گا، ہمیں کوئی شوق نہیں ہےکسی کوایک دن بھی جیل میں رکھنےکا، بس ہم چاہتے ہیں کہ چیزیں ٹھیک ہوجائیں۔

مزید خبریں اسی بارے میں

Back to top button
error: پوسٹ کو شیئر کریں