سُہریں سلام قومئے شہیداں | عالیہ شاہ | مضمون

سُہریں سلام قومئے شہیداں

کوئٹہ/ مضمون (ریپبلکن نیوز) سال ءُ ماہ، روچ ءُ سُہب کایاں اَنت ءُ راواَنت. بلے پہ ماتیں گلزمین ءَ سالونکیں بچانی روچ است اِنت، مات پہ وتی ہزار مرادیں سالونکیں بچانی ہر وہد ءَ راہ چار ءُ وداریگ اَنت، امروز ءِ ہر سہت آئیاں گِیرکارایت ہر مات وتی سگاریں بچاں پہ دل جنت تلوس ایت، گہارانی دوست ءُ ہمبل ءُ یارانی، مدام چم راہی اَنت ءُ پہ آئیاں زروک اَنت. چوش وا بلوچ قومئے واستہ ہر روچ شہیدانی روچ اِنت داں کہ وتی ماتیں گلزمین آجو مہ بیت،  گلزمین آجو نہ اِنت ہر بچ ءِ پہ وتی مات ءَ ہر روچ قربان اِنت.

 ۱۳ نومبر ءِ روچ پہ شہیداں یک راجدپتری پُر ارزشتیں روچ ءِ ھساب ءَ زانگ ءُ منّگ بیت وہدے کہ برطانیہ گوں وتی لشکر کیت بلوچستان ءَ کیت اِنت گڑا آئی ءِ لوٹ ءُ واہگ ہمیش بیت کہ بلوچستان ءِ سرا ہم حکومت بہ کنت.

 برطانوی فوج قلات ءِ سرا وہدے کہ حملہ کناں ءُ بازیں کُوشت ءُ کش ءِ کناں شہید انگریزانی مزنیں جہدو کوشست ءِ ہمیش بیت کہ بلوچستان ءَ وتی بہ کناں بلے میر محراب خان گوں وتی ہمراہ ءُ ساتھی آہاں داں گڈی ءَ جنگ کنت گوں برطانوی فوج ءَ شہید محراب خان انگریز حکومت ءِ دیما پہ مردی داریت اے گپ ءَ آ جوانی ءَ سرپد بیت کہ انگریز فوج ءِ دیما منی ہمراہ ءُ ہمبل سک کم اَنت. بلے پدا ہم وتی ساہ ء ُسرے قربانی ءَ دنت. 

 ہما روچا چہ پد روچے مروچی اے جنگ ءُ اے شہید بوہگ ءِ سفر جونزگ ءَ اِنت.
       مروچی شہیدانی شھمیریں روچ اِنت پُرارزشت ءُ ماناداریں روچے پہ درستانی واستہ، بلوچ راج ءَ مرچی ءَ چہ باریں چونت سال ساری جنگ ءِ بندات کتگ پہ آجوئی ءِ ھاتر ءَ ہما روچ کہ زوراوراں ڈیہہ پچ گیپتگ، ہما روچ چہ زالم ءُ رسترہاں کوشت ءُ ءِ روایت ءُ ربیدگ بندات کتگ، ہما روچ چہ حقواراں حق ءِ آواز ءِ چست کنوک ہَوار جتگ اَنت، شہیدانی پاکیں ھون ہما روچ ءَ چہ گلزمین ءِ ہاک ہوار کتگ کہ زالم ءُ جانواراں سالونک ءُ پل گُدیں جوانسالیں وارنا اِیرجتگ اَنت! تاں ہما روچاں بگر تاں مروچی ہر روچ شہیدانی روچ اِنت.

چوناہا ہمُک مردم امروز ءَ یک نہ یک روچے یلہ دنت. بلے ہما بچ کہ پہ ڈیہہ ءَ راوانت، مرگ ءَ چہ پد زندگ بنت ءُ دائمی ءَ زندگ ءُ است بنت، مروچی لبز ءُ بیان نیست کہ راج ءِ سالونکیں شہیدانی توسیپ ءَ بہ کناں.آئیانی قربانیانی دیما ہر توسیپ کم اِنت، شہیداں ہمینچو قربانی پہ وتن ءَ داتگ ساہ ءُ سر ہم بکش اتگ اَنت، بلوچ یک انچیں دلیر ءُ بہادریں قومئِے کہ آئی تہا مرگ ءِ تُرس ءُ بیم ہچ نیست اِنت نہ کہ پُشت ءَ روت، مرچی اگاں ما شھمیریں روچ پہ پہرے  داشتگ گڑا آئی یکیں وجہ ہمیش اِنت کہ ہر شہید ءَ وتی زندگی وتی وشی ءُ گل ءُ شادے پہ ڈیہہ ءِ واستہ بے دروریں قربانی داتگ، دشمن ہم اے نہ زانتگ کہ یک ءِ کوشے، یک ہزار پُشت ءَ زندگ کنئے تاوان اگاں ساہ ءِ داتگ اے تاوان پہ دشمن ءَ بارے ہم بوتگ مروچی شہیدانی واستہ جتائیں روچے پہ آئیانی واستہ برجاہ دارگ بوتگ کہ آئیانی درستیں قربانی ءُ کار ءُ موّز پہرے گوما ستا کرزگ بہ بیت.

چوناہا وا توسیپ ءُ ستا کرزگ ءِ واستہ یک روچے نہ سرجمیں زندمان کم اِنت پہ شہیدانی ستاکرزگ ءَ، دشمن دل ءَ وتی وت بہ پہ لرزیت ءُ بہ زانت کہ مرچی  ہمینچو شہیداں دگہ  دو ہمینچو زندگیں پاد اتکگ پہ مادر ءِ وتن شہید بوہگ ءِ ھاتر ءَ، اے قوم نہ زی چُورائے بوتگ نہ مرچی ایوک اِنت، ہر شہید ئے پُشت ءَ ہزار آواز ءُ ہزار دست پاد اتکگ.

اے قومئے ءِ شہیداں وتی لوگ، مکہیں گلزمین ءُ گیرت ءُ لج، وتی استی ءُ وشی، مرچی ءُ باندات سرجمیں واہگ ءُ ارادہ قربان کتگ اَنت ہمے اُمیت ءَ کہ آئیانی باندا ھون مکہین ڈیہہ ءُ گلزمین ءِ کار ءَ کئیت، ڈنّی ءُ دری، چونیںچونیں رستراں زمین دُزّ اَنت کہ جندے وتی ڈیہہ پچ گیپتگ ءُ راجے یلیں ورنائیں بچ در پہ در کتگ اَنت، ہمُک شہید ہمے ھاتر ءَ شہید بوتگ کہ وتی جندے حقیں حق لوٹیتگ، مرچی گنداں کہ شہیدانی قربانی ہُشک ءَ نہ  شتگ ءُ نہ روت ہم، شہیدانی ھون ءِ حق دشمناں گِرانت، روچے نہ روچے آئیانی قربانی الّم سوب مند بیت ءُ ستکیں چہ دل ءَ کہ بلوچ راج ءِ درستیں راجی جہد کار ءُ قوم دوست شہیدانی قربانیاں زوال بوہگ ءَ ہچبر کس ءَ نیل انت.

اے قومئے ہمُک شہید ءَ سلام اِنت، سُہریں سلام اِنت اے راجے سر ءُ زہم جنیں‌‌ مرداں کہ پہ مردی پہ ڈیہہ ءِ واستہ ءُ ساہ ءِ قربان کتگ اَنت، ہمُک شہید مستاگ ءِ پہ وتی راج ءُ راج دوستی ءِ، شہیداں ہزار سلام کہ دشمناں گوں شہیدی ءَ چہ پد ہم جنگ ءِ برجاہ داشتگ.

ہمانی جہد اِنت کہ مرچی بلوچ قوم ءِ ہر چُک، ہر جنِک، ہمُک بچکّ، ہمک مات وتی بچاں درس دت کنت کہ حق چے ایت ءُ حق ءِ واستہ سالونکیں نوجوانیں بچ چوں شہید بوتگ اَنت ءُ مرچی بلوچستان ءِ تہا دشمنانی سبب ءَ چوشیں بلوچی لوگ پَشت نہ کپتگ کہ اُودہ، نوجوان ءُ مرد ءِ شہید نہ بوتگ، زالبول چنچو باریں شہید کنگ بوتگ گوْنڈیں چُک کہ حق ءُ نہ حق ءِ ہچ پرک ءُ پر ءَ نہ زاناں اَنت بلے اے جنگ ءِ دیما شہید بوتگ اَنت، شہیدانی ھون چو کؤر ءَ تتکگ اَنت، داں مرچی انگت ءَ شہیدانی ھون ہُشک نہ بنت.

بلے دشمن ءَ رد وارتگ! پہ شہید کنگ، چست کنگ ءُ گار کنگ ءَ بلوچ گار نہ بیت، پہ کُوشگ ءَ ہلاس نہ بیت. گلزمین ءِ حقیں وارث اَنت، چونت کُوشے چنچو گار کنئے، اے ہما باغ ءِ سرْپتگیں پُلّاں اَنت کہ ایشانی وشبو ءَ داشت نہ کنئے. اے قوم ہمُک بچ سلامت بات جہان است، است باتاں.
 سلام اِنت ہمک ہما مات ءَ کہ وتی جگر ٹکراں چہ سِستگ اَنت، سلام انت ہمُک ہما شہید ءَ کہ چہ وتی ماتانی دامُناں سِستگ اَنت سلام اِنت ہمک مرہم ءَ کہ کمبر ءِ ودی کتگ پہ راج ءُ قوم ءَ وتی. 
گڈی ءَ عطاشاد ءِ شعر ءِ اے بنداں گوں آسر کناں.

” تو چو بدل زرتیں زبان ءِ نیت ءَ بے باورئےمن چو زمین جُمبانی کہریں نیت ءَ پیداوراں
تو پہ سگاراں گیپتگیں کوٹ ءُ تلاتاں گل ئےمن پہ پتی میراث ءُ ماتیں گلزمین ءَ تلوساں
من آدم ءِ اوبادگاںمہرانی حقیں وارثاں“

نبشتہ کار: عالیہ شاہ

مزید خبریں اسی بارے میں

Back to top button
error: پوسٹ کو شیئر کریں