لتیپ جوھر ءَ ردی مہ کُتیں

کوئٹہ/مضمون (ریپبلکن نیوز) انچیں ردی یے کتگ کہ پاھو دیگ بہ بیت ایشی ءَ وا راجی جُنز ءَ چہ بگاوت کتگ، اے راج دوستے نہ انت راجی لوٹاں نہ زانت، لتیپ تو ھساب کشیں مشینے بوتین ئے، لتیپ کمپیوٹرے یا پَرشتگے بلکیں جاپانی ربوٹے کہ ردی مکنت۔

مئے راج ءِ مہروانیں ھمبل سیاسی نیم سیاسی ھشتکیں سیاسی سنگت ھمے وڈ ءَ نیم سرجمیں دانشور(زانتکار) برے ادا برے اودا سرجن اَنت
کہ وت نہ زان اَنت چے بکن اَنت چے نبشتہ بکن اَنت کئی بڈا کپ اَنت کئ ھرابی کئی ردیاں گر اَنت ۔ من رد گُشاں پمیشکہ راست گشانی
نزوریاں پدر کناں کہ منی راجی زمہ واری انت۔

دل وش انت من ندکارے آں ءُ منی وتی دانشوری(زانتکاری) نوک بَروت اِنت  کہ روچے یک نبشتانکے سوشل میڈیا شَت کشاں
ھما گپ ھما تژن ءُ شگان بس لوز دیم پشت کتگ ءُ نام بدل کتگ انت ۔ زی من کازی شُشتگ ، مروچی اسا ءِ بڈا کپاں کہ ندکاری نزانت سیاست نہ زانت ۔ من ایشی ءَ شرگداری نہ گُُشاں بلکیں وتی ریٹنگ برز کنگ ءِ ہنرے لیکاں اشی ءَ – ھو مئے نبشتہ کار کلمکار باز انت  شائرانی وا نام گرگ نہ بیت کہ بے ھساب انت شائر سیاسی جہدکار نبشتہ کار شرگدار ازم کار کہ درستیں اِلم(زانت) ءُ ہنر ءِ کلیں لوٹ یکیں بارگیں بالاد ءَ داشتگ انت ئِے ءُ اشی ءِ سرمچاری ءِ وا گپ نہ بیت کسہ ءَ مکن کہ شر نہ انت۔

کِرد نزور انت راجی جُنزءِ لوٹاں سرجم ءَ نہ زانت لبز پرشتگ انت  گال گشتانک نیم بال  رسانکدری کاراں سرجم نہ زانت ٹوئٹر ءِ انگت کابل نہ انت دہشتگرد ءُ شہید ءِ پرک ءَ نہ زانت چار روچی شُت لاپی ءَ چہ وت ءَ نامدارے کتگ بلے انگت من لتیپ ءَ سلام کناں ایشی ءَ مہر دیاں ایشی ءِ پلامرزی ءُ ستا ءَ کناں گُشاں منی ہمبل نزور مہ بو بے اوست مہ بو ۔ تو جہد ءِ سمبلے تو جُنز ءِ چیدگ ئے
مئے سیاسی دانشور ندکار شائر ھمے گلامیں چاگرد ءِ پرزند انت ایشانی گپاں دل ءَ میار ۔

گلام بے میار انت  چہ گلام ءَ چے گلہ کنئے من تو آ زانیں پنجابی بلوچ ءِ ھاکم انت  زِد کینگ ناتپاکی مئے ازلی نادراہی انت  بس برات ءَ ایر بجن کلم ءِ ندءَ چوش کلاش وڈا براتےءِ سینگ ءَ تیر بار بکن جوھر تو پہ راج ءَ درکپتگ ئے دراں ڈیھ ئے مہلوک ءِ گپاں دلءَ مکن  شپ دراج انت چراگ ءَ تہنا مکن مہرانی چراگ منی گاریں شما کس ءَ نہ دیستگ باریں۔

نبشتہ کار: ساربان بلوچ

نوٹ: درج بالا خیالات مصنف کی اپنی رائے ہے ریپبلکن نیوز نیٹورک اور اسکی پالیسی کا مضمون یا لکھاری کے موقف سے متفق ہونا ضروری نہیں۔

مزید خبریں اسی بارے میں

Back to top button
error: پوسٹ کو شیئر کریں