کلویے پہ پگری سنگتاں | بلوچی | مضمون

تربت /مضمون (ریپبلکن نیوز) سلام ہے ُدروت سنگتاں !

ما شما کُل سرپدیں بلوچ ءَجنگ بِنا کتگ پہ وتی رکھینگ ءُ وشیں باندات ءُ سرڈگار ءِ آجو کنگ ءَ ، ما کتاباں ونتگ سرکلاں گشگ بیتگ کہ پیسرا جُھد کتگ بلوچ ءَ ادارہ نہ بیتگ انوگیں جُھد مئے ادارہ ءِ تھت ءَ جُنزان انت بار بار ادارہ ءِ گپ جنگ بیتگ، وھد ھم دیما روان بیتگ ما شما زی ھم دیستگ مرچی ھم گندگ ءَ انت بَلے کر ءُ گُنگ اِنت اشیءِ سبب چی انت ھر چیز پہ واھشت ءُ روایتی بُوھگا انت ادارہ گوں راھبند ءَ دیما جُنزان کنت روایتانی چَک ءَ ھچ بَر نہ جُنزیت رَدی بنت رَدیاں چہ سبق زوراں مرچی اے ردی بُوتگ باندا پدا اے ردی مہ بنت ادارہ گوں ھکمت عملیاں دیما جُنزان کنت مئے مرچگیں ادارہ فرداں مھکم کنگ ءَ اِنت بَلے جُھد ءَ نہ ۔

ما شُما دُرست گِندگ ءَ اِنت مارگ ءَ اِنت بَلے گُنگ انت ھمے گُنگی ءَ جُھد اتکگ کُجا سَر انت فردانی بادشاھی اِنت آ قومی سوچ گار انت۔ما دیستگ ما سرپدیں دُز اتکگ وڈ وڈیں مردم اتکگ زُرتگاں آ مرچی کُجاں؟ ھمے سرکار ءَ گُون اَنت شُتگاں کئےءَ تاوان اِنت بلوچ ءَ بلوچ جُھد ءَ ۔مرچی اگاں مئے ادارہ مھکم بیتیناں اے نوبت نیتکگ َات اے ردی بیتگاں ما چی سبق زُرتگ مرچی ما بَھر ءُ بانگ اِنت چیا؟

تو منی گورجیگ ءَ گِر من تئی گورجیگ ءَ گراں ادارہ بیتیں اے نوبت نیتکاں اھتساب نیست بس من ھرچی گشاں ھمے وڈیں آ کہ منا واجو واجو کنت چمچائی دروگ پڈائی کنت شر انت سر ءُ چمان انت آ کہ وتی جُھد ءَ مُخلص اِنت ھق ءِ گپ ءَ کنت شر نہ اِنت ڈالچار اِنت وڈ وڈیں نام دیگ بیت دَم ئےِ بُرتگ گنوک انت آ کہ ردی کنت جُھد ءَ تاوان دنت آ سر ءِ بان ءَ انت اے ادارہ ءِ کمزوری نہ اَنت چی َانت ؟ آ کہ جیڑیت فکر مند انت پہ جُھد ءَ آ گنوک نہ بیتگ کہ بیت۔

اے قوم ءَ قُربانی داتگ سنگتاں قُربانی داتگ ھرکس وتی دلیگاں کنگیں ھر سنگتے ردی کنت رؤت ھرکس رندے کپتگ بیا پُل منی کرا سرے بان ءَ بیت سیمی روچ ءَ مرد کمانڈر بُوت اے ادارھی کار نیاں سزا جزا وتی جاگھ مرچی باندا رواج ءِ جوڈ بوتگ ما زانیں سرپدیں اے وڈیں مردماں بُزور پدا زمہ داری بدے درستاں چہ مستریں مجرم ھمیش اِنت اگاں سزا جزا بوتیں ادارہ بُوتیں اے وڈ نہ بُوتگ ءَ گاجیان ءُ شیر جان ءَ ردی کُت باگی بُوتاں دو ماہ ءَ رند یو بی اے بلاھیں کمانڈر جوڈ بیتاں رَدی ءِ پُشت ءَ مَزنی رس اِت جھندم ءِ ملامت ءُ سزا وتی جاگھ ما دُرستاں دیست ھاموش بیتیں گُنگ بیتیں انوں پدا لھتے سنگت ءَ ردی کتگ ردی نہ بلکیں جُرم ءِ واجہ شمبے ءَ زُرتگ ءُ پناھ داتگاں سزا وتی جاگھ انت ما شما کُل سنگت زانیں سرپدیں اشاں اے جُرم کتگ ھالانکہ واجہ شمبے ءِ جِند زانت سرپدیں اشاں اے جُرم کتگ گُڈا زُورگ ءُ پناھ دیگ کاگدی بیان دیگ اے چی َانت؟ اے کئی نزوری انت کئےءَ تاوان انت؟

من تھنا شمبے ءَ نہ گشاں من درستاں گُشاں بی ایل ایف، بی آر اے، بی ایل اے، لشکر بلوچستان، یوبی اے، بی آرجی ،ھرکس بیت اے عملاں ھوار اِنت رَدیں ۔ادارہ ءِ نزوری لیڈر شِپ ءِ نزوری اِنت قوم واب اِنت کہ شُمے گُٹ ءَ بہ گیپت ما سنگت ھم ھاموش اِنت گِندگ ءَ انت زانگایں ھاموش انت آ سنگت کہ مخلصیں ایماندار انت گوں وتی جُھد ءَ کپتگ بزگیں آکہ ادارہ ءِ پادمالی ءَ کنت سرءِ بان ءَ انت مئے لیڈر شپ ءَ بگر ما کُل مُجرم انت ما اگاں وتی لیڈر شپ ءَ مہ گریں اے ردیانی گِر دار مہ بنت دیم ءَ گنتری بیت مئے جُھد ءَ گیشتر تاوان بار کناں تو لیڈرئے ترا مرچی ھمے جھدکاریں سنگتءَ لیڈر کتگ تو وتی سنگتءَ لیڈ بکن پہ راستیں راھ ءِ شون ءَ بدی ئے ردیں گورجیگ ءَ بگرے سزا بدی ئے کہ باندا دگہ یکے ردی کُت مہ کنت مہ زیرے وتی لاڑک جوڈی مکن اے سنگتانی ءُ راج ءِ ریتکگیں ھوناں تاوان مکن ات کہ اشاں گوں وتی ھوناں، بلوچءِ گپ دنیاءِ کنڈ کنڈءَ شنگ کتگ۔ اے بابتءَ سنگتاں جیڑگی انت، چہ لیڈرشپ ءَ نزوریانی بِابتءَ جست کنگی انت، وتی سرپانی تھا اتھاد ودی کنگی انت ءُ دیما جنزگی انت الم سوبینی بلوچءِ بھتءَ کپیتءُ دژمن بےسوب بیت۔

نبشتاکار: بالاچ بلوچ

مزید خبریں اسی بارے میں

Back to top button
error: پوسٹ کو شیئر کریں