ہما مرد کہ کیوبا یے بدل کُت ءُ پیش داشت

۱۹۵۰ء عشرے ءَ کیوبا ءِ جزائر غرب الہند ءِ سرا جنرل فُلجی نکو باتستا (Fulgenico Batista) هاکمی کُتگ ہشی ءِ دور ئے هاکمی سخت گیر ءُ پُرتشدد هم بوتگ  ہمے دور ءَ بازیں امریکی کمپنی سیر گندگ اتکاں بَلے کیوبا ءِ مهلوک گریبی ئے جِنتر ءَ چکرینگاں اِتنت فیڈل کاسترو یک نوجوانیں وکیل ئے ات چوں کہ باتستا ءِ هاکمی‌‌ ءَ پہ وت ءَ  یک بے سُوبیں هاکمے مارگ ‌ءَ ات کیوبا ءِ تها ءَ آذادانہ گیچین کاری نہ بوئگ ءَ اَت۔

ہمے درگت ءَ کاسترو ءَ باتستا ءِ هاکمی ءِ پروش دیگ ءِ واستہ فوج برجاه داشت کاسترو ءَ چہ وتی زاتی مال ءُ مڈّی ءَ چہ سلہ زُرت ءُ ۱۹۵۳ ماں باتستا ءِ فوج ءِ سرا اُرش کُت ءُ وتی اے اُرش ءَ بے سُوب بوت دو سال ءَ ماں زندان ءِ گوازینگ ءَ رَند پہ نوکیں توجیلے ءِ سازگ ءِ هاترا میکسیکو (Mexico) ءَ شُت زُوت چہ ۸۰ یاگی ءِ ہمراہی ءَ واتر کیوبا اتک ءُ آ کوہانی تها ءَ چیر بوت ءُ گوریلا جنگ ءِ طور ءُ تریک ءَ کسان کسانیں اُرش کنگ ءَ لَگ اِت آئی ءَ چیروکائی دژمن ءِ سرا اُرش کُت ءُ پدا واتر کوه ءَ شُت آکر کار ۱۹۵۹ء ءَ باتستا ءَ کیوبا یل دات ءُ کاسترو کیوبا ءِ سروک جُوڈ بُوت ءُ آئی ءَ اُودا سوشلزم هاکمی ءِ بُنیاد ایر کُت۔

کاسترو ءِ دورئے هاکمی ءِ تها ءَ هم مهلوک ءِ زندگی سرجم ءَ وش ءُ آسودگ ءَ نہ گوستگ اَت مهلوک ءَ انگت وتی آ هک نہ رستگتنت ہمایاں چے کہ باتستا ءَ بے بار کُتگ اِتنت ءُ نیزکاری هم یک زنڈیں جیڑاہے اَت ہشاں چے ابید کاسترو ءَ کیوبا ءِ مهلوک ءَ سک باز بُنکی هک داتگ اَت آئی ءِ دور ءَ جان سلامتی ءُ وانگ هم مُپت اَت ءُ هر یک مردمے سر ءِ روزگار اَت کیوبا ءِ نزیکیں ہمساہگ امریکہ ءَ کاسترو ءِ هاکمی ءِ ترندیں زبان ءَ گُوں هلاپ بُوت هالانکہ ۱۹٦۱ امریکہ ءَ کاسترو ءِ هاکمی ءِ دور دیگ ءِ  جُهد هم کُت بلے کاسترو ءَ دگے یک سوشلزم مُلک ءِ سوویت یونین آئی گُوما اَت وهدے کہ کاسترو ءَ سوویت یونین ءَ کیوبا ءِ تها ءَ ایٹمی سلہ ءِ ایر کنگ ءِ موه دات گُڈا امریکہ ءَ گیشتر شکایت ءِ موقع رست آئی ءَ کاسترو ءِ هلاپ ءَ جنگ کنگ ءِ نزیک ءَ رستگ اَت کہ ایٹمی سلہ چِست کنگ بوتنت بیستُمی کرن ءِ آکری ءَ کیوبا ءِ تها ءَ بد امنی تالان بُوت گُڈا کاسترو ءَ وتی دستورانی تها ءَ کمے نرمی آورت ہشی ءَ رند کاسترو چیزی سال ءَ کیوبا ءِ سروک بُوتنبشتہ کار سمیر رئیس

مزید خبریں اسی بارے میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
error: پوسٹ کو شیئر کریں