ڈاڈائے بلوچ شہید نواب اکبر بگٹی

کوئٹہ/مضمون (ریپبلکن نیوز) بلوچ سر ڈگار ءَ مُدام کہ دری زورگیر یں راج آں کَوزہ کتگ ءُ بلوچستان گُلامی ءِ سیاہ ءُ تہاریں جمبراں ماں پوشتگ گڈا بلوچ ءِ ہرچ ٹک ہرچ طبقہ ءِ پگر ءِ مردماں وتی گُلزمین چہ سیاہ پوشیں جمبراں رکینَگ ءُ چہ گُلامی ءِ ترسناکیں آہنی بند ءُ پنجگاں وت ءَ رکینَگ ءِ ھاترا ءُ وتی ڈیھ ءِ واھگ آنی مارشت آجوئی ءِ ھاترا سر کپن بستگ ءُ دژمن ءِ دیم ءَ میڈ داشتگ داں ھون ءِ آھری پٹَگ ءَ بلے دژمن ءِ دیما سر جہل کنَگ نہ سیکیتگ.


پہ گُلزمین ءِ پہازگ ءِ ہاترا کُل بلوچ آں یک رَنگ ءَ وتی جان ندر کتگ انت ، وھدے کہ زمین ءَ وتی بچ گوانک جتگ انت گڈا بگیر رنگ نسل ذات زریات اُگدہ ءُ شان درست یک ھساب ءَ وتی مکہیں مات ءِ مارشتِ آجوئی ءِ نیمگا گام جناناں ءَ ساڈی بوتگ انت.


بلوچ راج پہازوک یں پسّگ آں یک گرانقدر یں نام ءِ بلوچ آنی بگٹی قبیلہ ءِ نواب ءُ شاہِ شہید آں نواب اکبر خان بگٹی یگ انت، کہ آہی پیرانہ سالی کوہ وتی کلات کت انت ، انبار بے راہیں گر ءُ وردنی آپ بہوکیں چمَگ بلے دژمن ءِ دیما سر ئے جہل کنگی ھچـبر کبول نکوت، لگوری ءُ چم جہلی ءِ آسودگیں زند ءِ دائمی ببا دات ءُ کوھسار آں بلوچ آنی راجی بامرد ءِ پنّام زرت ءِ.


نواب اکبر خان 12 جولائی 1927 ءَ نواب محراب خان بگٹی ءِ گس ءَ ودی بوت، نواب اکبر خان چہ کسانی ءَ سکّیں سوھو یں ءُ قابل یں زھگ ءِ اَت، 1946 ءَ آہی عمبر 12 سال بیت وھدے کہ آھرا بگٹی قبیلہ ءِ سردار نامینَگ بیت ، چہ کسانی ءَ آ شاھگانیں تجربگ ءِ ھُدابند بیت ءُ وتی قبیلہ ءِ جنگ و جیڈہ آنی پیسلہ پہ جوانیں رنگ یا کنت، آہی پیسلہ ہمے رنگ قابل اعتبار ءُ لائق بنت کہ پہ درستاں قابل قبول بنت.
نواب اکبر خان بگٹی چہ بلوچستان ءِ مزن کدیں رہشون آں یکے اَت کہ آہی علمی بصیرت باز وسیع و شاھگان اَت، نواب اکبر خان ءِ مطالعہ سک بازَت، سیاست ثقافت ءُ ھاس بلوچ سیاست ءُ سماج سرا آہی علمی دسترس کَس ءَ گون نہ ات، بلوچ سردار آنی توکا علم ءُ زانتی پڑ ءَ آہی مٹ ءُ درور نیست اَت.


نواب اکبر خان بگٹی یک مکمل یں بلوچ ءِ اَت ، آہی پہ مڈاہ یک بلوچی زند ءِ گوازینت ءُ پہ شان سری برز اَت.
نواب اکبر خان بگٹی ءِ زند ءِ سرا اگاں ہزار آں کتابی مجموعہ نبشتگ کنَگ بہ بنت بلکہ آ انگہ کم بنت، آہی یک زگریں بلوچی دود ربیدگ یں زند ءِ گوازینتگ ات ، نواب اکبر خان ءِ آئیڈیل بلوچ آنی راجی بامرد بوتگ انت ، جنگ ءُ مِڈ ءِ پڑ ءَ آ بالاچ بیرگیر ءَ چہ باز متاثر ات ءُ مُدام وتی آئیڈیل جنگجو ہم گشت ءِ، اکبر خان ءَ بلوچ آنی عہدی شاعری و گیدی کسّہ گیشتر کہ یاد تنت ءُ باز رنداں دیوان ءَ ہم گشتگ انت ءِ.
نواب اکبر خان بگٹی وتی قول ءُ فعل ءِ پکا اَت. وھدے کہ بلوچستان ءِ وت واجہی ءُ بنکی حق آنی ھاترا تپنگ بڈا کنت ءُ کوہ آں وتی مسکن کنت گڈا چہ دژمن ءَ آسراتی زورگ ءُ ایمن بوگے راہ تا شہادت ویل کنت.
26 اگست 2006 ءَ بلوچ راجی رھشون نواب اکبر خان بگٹی ماتیں وتن ءِ چہ دژمناں رکھینگ ءِ ھاتر ءَ پیراں سالی ءَ گوں استانی لشکر ءَ میڈ دنت ءُ نمیران بیت، اکبر خان بگٹی ءَ پیراں سالی مرگ ءَ را مڑاہ ءِ گوں کت ءُ بلوچ جہد دگنیائے دیما گوں وتی شہادت ءَ پدّر کت. اکبر خان بگٹی بلوچیت ءِ یک برزیں چیدگ ءُ استالے اَت ، دژمن ءِ دیم ءَ کدی سر ی جھل نہ کت ءُ گوں پیراں سالی مزنیں نامے کَٹ اِت ئِے ،ھرچ بلوچ پسگے ءِ سری بُرز کتگ.


اکبر ھان ءِ شھادت ءَ بلوچ راجی زرمبش ءَ یک مزنیں تاگتے ءُ سرپدی یے رس اِت، ھر بلوچے ءِ دل ءِ توک ءَ پہ کَوزہ گیریں ریاست ءَ نپرتے ،نہ تُسوکیں یک آسے روک کت ، اکبر خان ءِ شھادت ءَ بلوچ زرمبش ءُ پاکستانی کَوزہ ءَ دگنیا ءِ دیم ءَ پیشداشت.
اکبر خان ءِ شھادت سجھیں تبکہ ءِ بلوچاں یک راھے پہ ھَوار کت ءُ دیم پہ یک منزلے راھی اَنت.

بلوچی زبان ءِ کوہیں کلات ءُ نمیرانیں شاعر گلام ھسین شوھاز وتی شعر ءِ کہ پہ ڈاڈائے بلوچ شہید اکبر خان ندر کنت گُشیت کہ
"کـس نـہ گـنـدیـت آ گْـورتگیں تـیـراں
منی ڈَڈر ءَ پـیـریں بیتگاں پـیـوست
زی گُبـاراں شـر گپـتـگ اَت پـیـر کوہ
ڈیرہ منی شپ دیم ء مُجاں سیاھیں”

تحریر: ریاض بلوچ

مزید خبریں اسی بارے میں

Back to top button
error: پوسٹ کو شیئر کریں